अघोषित रुपमा बढ्यो लोडसेडिङ

काठमाडौं,बैशाख २१ । हुम्ला जिल्ला सदरमुकाम सिमकोटलगायत आसपासका ७ गाविसलाई लक्षित गरेर बनाइएको ५ सय किलोवाटको हिल्दुम साना जलविद्यतु आयोजनाले पानी नपुगेको भन्दै दैनिक १८ घन्टाभन्दा बढी लोडसेडिङ गर्दै आएको छ । अत्याधिक लोड भएको बेला ५ सय किलोवाट नै खपत हुने हुम्लाकोसिमकोटमा हिल्दम खोलाको पानी सुकेर अहिले १ सय ४० किलोवाट मात्रै विद्युत उत्पादन हुँदै आएको जानकारी वितरण केन्द्रका निमित्त प्रमुख मान बहादुर रावतले जानकारी दिए ।आजको अन्नपूर्ण पोष्ट दैनिकमा खबर छ – हिल्दुम खोलाको पानी अनपेक्षित रुपमा घटेकाले चर्को लोडसेडिङ भएको नेपाल विद्यतु प्राधिकरण हुम्लाले जनाएको छ ।