वैद्य कमरेडले रोजे विप्लव !

काठमाडौं,जेठ ३ । माओवादीहरुबीच एकताका लागि भनेर १३ बुँदे प्रस्ताव तयार भयो । मात्रिका यादवले त्यो प्रस्तावमा मधेसको आत्मनिर्णयको अधिकारसहित नयाँ जनवाद लेख्नैपर्ने भन्दै मत राखे । त्यसका सबै पक्षले सहमति गरे । १३ बुँदे सहमति गर्ने बेलामा उनी आएनन्, प्रतिनिधी पठाए । भारतीय विस्तारवाद, राष्ट्रियता लेख्नु नहुने र आन्तरिक औपनिवेशिकता प्रमुख हो भन्ने मतमा जोड दिए । पहिला सहमत भएर मात्रिका किन पछि हटे ? माओवादीहरुमा पारिएको दवावले काम गरेको अर्थमा लिइएको छ । कुपण्डोलमा मोहन वैद्यलाई बहुमत केन्द्रीय सदस्यले हटाएर राम बहादुर थापालाई अध्यक्ष बनाउँदा वैद्य भने बुद्वनगरको आफ्नै कक्षमा नेत्र विक्रम चन्द विप्लवका केही नेताहरुसँग वार्ता गरिरहेको बुद्वनगर स्रोतले बतायो । आजको साँघु साप्ताहिकमा खबर छ ।