काठमाडौं,जेठ २ । आज बिहानै सिन्धुपाल्चोक केन्द्र भएर गएको भूकम्पको धक्काले राजधानी काठमाडौंसम्म हल्लाएको छ । सिन्धुपाल्चोक केन्द्र भएर गएको ४.४ रेक्टर स्केलको भूकम्पको पराकम्पन सिन्धुपाल्चोक सहित काभ्रे, काठमाडौं उपत्यका सहित नुवाकोट जिल्लामा पनि अनुभव गरिएको हो । राष्ट्रिय भूकम्प मापन केन्द्रका अनुसार बिहान साढे ४ बजे सिन्धुपाल्चोकको इचोक आसपालाई केन्द्रबिन्दु बनाएर गएको भूकम्प गत बर्ष बैशाख १२ गते गएको ७.६ रेक्टर स्केलको विनाशकारी भूकम्पको पराकम्पन हो ।
केन्द्रका अनुसार हिजो बिहान पनि सिन्धुपाच्लोक जिल्ला नै केन्द्रविन्दु भएर ४ दशमलव ३ रेक्टर स्केलको पराकम्पन गएको थियो । आज गएको पराकम्पन सहित गत बर्ष गोरखा बारपाक केन्द्र भएर गएको विनाशकारी भूकम्प पति ४ रेक्टर स्केलमाथिका ४५८ वटा पराकम्पन भएको छ ।
No comments:
Post a Comment