काठमाडौं,पुष २९ । नेपालले बंगलादेशमा जारी बंगबन्धु गोल्डकप फुटबल प्रतियोगितामा श्रीलंकालाई पराजित गरेको छ । बंगलादेशको ढाकामा रहेको बंगबन्धु रंगशालामा भएको खेलमा नेपालले श्रीलंकालाई १–० ले हरायो । नेपालका लागि विमल घर्ती मगरले खेलको दोस्रो मिनेटमै गोल गरेर नेपालको अग्रता निकालेका थिए। उनको त्यही गोलले नेपाल विजयी बन्यो।
खेल अवधिभर श्रीलंकाले गोल फर्काउन सकेन। विमल ‘म्यान अफ दि म्याच’ घोषित भए। यो जितसँगै नेपालको २ खेलबाट ४ अंक भएको छ र नेपालको सेमिफाइनलमा पुग्ने संभावना पनि कायम रहेको छ । नेपालले समूह चरणको अन्तिम खेलमा अब शुक्रबार आयोजक बंगलादेशसँग खेल्ने छ ।
No comments:
Post a Comment