‘हेल्पिङ्ग ह्यान्ड्स फर नेपाल नर्वे’ को साधारण सभा सम्पन्न

नर्बे । नर्वेको राजधानी ओस्लोमा हेल्पिङ्ग ह्यान्ड्स फर नेपाल–नर्वेको साधारण सभा सम्पन्न भएको छ । पुष १५ गते आयोजित प्रथम साधारण सभाले गोरख चन्दको अध्यक्षतामा २१ सदस्यीय कार्य समिति चयन गरेको छ ।

समितिको उपाध्यक्षमा सुदिप पाण्डे, दिपक महत र विश्वास बजगाँई निर्वाचित भएका छन् भने महासचिवमा कृष्ण श्रेष्ठ, सचिवमा मिसर लामिछाने, कोषाध्यक्षमा निर्मल पौडेल रहेका छन् । यसैगरी समितिका सदस्यहरुमा भिमसेन सारु, पदम सुवेदी, संजीव अधिकारी, महेश बटु, विष्णु गौतम, मनोज अधिकारी, विकास चन्द्र भट्राई, ज्ञानू गौतम, रत्न सापकोटा, जितेन्द्र शाही, राजन श्रेष्ठ, प्रतिक्षा के.सी, खेम तिमिल्सना रहेका छन् ।

आयोजित साधारण सभाका प्रमुख अतिथि गैर आवासीय नेपाली संघ नर्वेका अध्यक्ष कुमार पण्डितले हेल्पिङ्ग ह्यान्ड्स फर नेपाल–नर्वेद्वारा सम्पन्न गतिविधिहरुको प्रशंसा गर्दै आगामी दिनमा एनआरएनसँग पनि सहकार्य गर्न इच्छुक रहेको बताए ।    नव निर्वाचित अध्यक्ष गोरख चन्दले विदेशमा रहेका नेपालीहरुले आफ्ना स्वदेशमा रहेका नेपालीहरुलाई सहयोग गर्न एकजुट हुन आग्रह गर्दै आर्थिक सहयोग गर्दा पैसा मात्र नभई भावना पनि जोडिने विचार व्यक्त गरे । उक्त साधारण सभामा मदन आचार्यले सँस्थाको गतिविधिबारे जानकारी गराए भने दिपक महतले संस्थाको आय–व्यय प्रस्तुत गरेका थिए ।

कार्यक्रममा जनसम्पर्क समिति नर्वे, प्रवासी नेपालीमञ्च, जनप्रगतिशील मञ्च, विवेकशील नेपाली, नेपाली विद्यार्थी समुदाय ओस्लोको सहभागिता रहेको थियो ।    नेपाली र्पोचुगिज समाजका प्रतिनिधिहरुले शुभकामना मन्तव्य व्यक्त गरेका थिए । सन् २०१३ मा स्थापित यस सामाजिक संस्था, हेल्पिङ्ग ह्यान्ड्स फर नेपाल–नर्वेले नेपालको शिक्षा क्षेत्र, नेपाली संस्कृतिको प्रर्वद्धन र प्राकृतिक विपत्ति जस्तै भुकम्प पिडितहरुलाई आर्थिक सहयोग गर्दै आईरहेको सचिव मिसर लामिछानेले बताउनुभयो ।