गाँजा तथा अफिम खेती नष्ट

मकवानपुर, पुष १७ । नामटार गाविस–४ र ५ तथा भैसे गाविस–५ क्षेत्रमा लगाएको ४२ बिगहा जग्गाको गाँजा खेती लागू औषध नियन्त्रण व्यूरो र जिल्ला प्रहरी कार्यालय मकवानपुरको प्रहरीले विहिबार नष्ट गरेको छ । यसैगरी नामटार गाविस–५ को १० कठ्ठा जग्गामा लगाएको अफिम खेतीसमेत प्रहरीले फडानी गरी नष्ट गरेको छ ।
यसैगरी सशस्त्र प्रहरी गण नम्बर ३ रातोमाटे र इलाका प्रहरी कार्यालय मनहरीको टोलीले भार्ता गाविस–२, ५ र ६ वडाका क्षेत्रमा लगाएको करीव ३५ बिगहा गाँजा र ५ बिगहा अफिम खेती काटेर नष्ट गरेको छ ।
यसैगरी छतिवन गाविस–९ मा लगाएको ३ बिगहा जग्गाको गाँजा खेती इलाका प्रहरी कार्यालय फापरबारीको प्रहरीले विहिबार फडानी गरी नष्ट गरेको छ ।