सरकारद्वारा चिकित्सा शिक्षा आयोग गठन,डा.भगवान कोइराला कार्यकारी उपाध्यक्ष

काठमाडौं,माघ ८ । सरकारले शिक्षामन्त्रीको अध्यक्षतामा अधिकार सम्पन्न चिकित्सा शिक्षा आयोग गठन गरेको छ।  आज बसेको मन्त्रीपरिषद् बैठकले डा. भगवान कोइराला कार्यकारी उपाध्यक्ष रहने गरी चिकित्सा शिक्षा आयोग गठन गरेको हो ।
सदस्यहरुमा प्रतिष्ठानका तर्फबाट पाटन स्वास्थ्य विज्ञान प्रतिष्ठानकी डिन डा सिर्जना श्रेष्ठ, डा अर्जुन कार्की, डा जगदीशप्रसाद अग्रवाल, डा श्रीकृष्ण गिरी र नीजि मेडिकल कलेज तर्फबाट डा सुरेश कनोडिया रहेका छन् । सरकारले गठन गरेको अधिकार सम्पन्न चिकित्सा शिक्षा आयोग पटक पटक आमरण अनसनमा बस्दै आएका त्रिवि शिक्षण अस्पतालका चिकित्सक डा। गोविन्द केसीले राख्दै आएका विभिन्न माग मध्येको एक हो। केदारभम्त माथेमा आयोगले बुझाएको प्रतिवेदन अनुसार चिकित्सा शिक्षा आयोग गठन गरिएको हो।  यसैगरी आयोगको पदेन सदस्यमा स्वास्थ्य र शिक्षा मन्त्रालयका सचिव, मेडिकल  र नर्सिङ काउन्सीलका अध्यक्ष रहनेछन् ।