काठमाडौं, माघ ८ । बंगलादेशमा जारी बंगबन्धु गोल्ड कप फुटबलको उपाधि नेपालले जितेको छ । फाइनलमा बहराइनलाई ३-० गोल अन्तरले पराजित गर्दै बङबन्धु कप फुटबलको उपाधि जितेको हो । नेपालको जितका लागि पहिलो गोल विमल घर्ती मगरले खेल सुरु भएको पाँच मिनेटमै गरेका थिए ।
दोस्रो गोल ८७ औं मिनेटमा बिशाल राई गरे भने अतिरिक्त समयमा नवयुग श्रेष्ठले तेस्रो गोल गरे । नेपालले २३ वर्षपछि पहिलो पटक अन्तराष्ट्रिय उपाधि जितेको हो । नेपाल सन् १९९९ को दक्षिण एसियाली खेलकुदको फुटबल फाइनलमा पुगेको थियो । त्यसपछि २३ वर्षसम्म नेपाल कुनै पनि फुटबल प्रतियोगिताको फाइनल भिडन्तमा पुगेको थिएन ।
No comments:
Post a Comment