काठमाडौं,माघ ८ । राष्ट्रिय खेलकुद परिषदले सागका लागि ११ करोड ७८ लाख रुपैयाँ बजेट सरकारसँग माग गरेको छ । चार दिनअघि पहिलो किस्तामा ६ करोड स्वीकृत भइसकेको छ । सरकारबाट दोस्रो किस्ता तत्कालै उपलब्ध नभए आफ्नो कोषबाट खर्च गर्ने तयारी परिषदको छ । ‘सरकारबाट बजेट निकासा भए हामीकहाँ आइपुगेको छैन,’ परिषदका सदस्यसचिव केशवबहादुर विष्टले भने, ‘हामीले अन्य शीर्षकको बजेटबाट मिलाएर खर्च गर्ने गरी पनि सागलाई पहिलो प्राथमिकतामा राखेका छौं ।’
एक करोड पकेट खर्च
परिषदले सागमा सहभागी हुने पाँच सय ३७ जनालाई प्रतिदिन दुई हजार एक सय ६० रुपैयाँ अर्थात २० डलरका दरले पकेट खर्च बाँड्दैछ । प्रतियोगिता १२ दिनसम्म चल्छ । यसरी बाँडिने पकेट खर्चको कूल राशी करिब एक करोड रुपैयाँ हुने नयाँ पत्रिकामा खबर छ ।
No comments:
Post a Comment