बराबरीमा रोकिएपनि लिसेस्टर शीर्ष स्थानमा फर्कियो

एजेन्सी,माघ ३ । लिसेस्टर सिटी इंग्लिस प्रिमियर तालिकाको अन्तिममा रहेको एस्टन भिल्लासँग बराबरीमा रोकिएपनि लिग तालिकाको शीर्ष स्थानमा फर्किएको छ । शनिबार राति भएको खेलमा एस्टन भिल्लासँग १–१ को बराबरी रोकिएको हो । खेलमा लिसेस्टरले २८ औं मिनेटमा ओकाजाकीको गोलबाट अग्रता लिएको थियो ।
तर, एस्टनभिल्लाले ७५ औं मिनेटमा बराबरी गोल फर्कायो । बराबरीसँगै लिसेस्टर कम्तिमा २४ घन्टाका लागि शीर्ष स्थानमा उक्लिएको छ । शीर्ष स्थानमा उक्लिएको लिसेस्टरको २२ खेलबाट ४४ अंक भएको छ । लिसेस्टर सिटी म्यानचेस्टर सिटी र आर्सनल भन्दा एक अंकले अघि छ ।