पहिरोका कारण मुग्लिन–नारायणगढ सडक खण्ड अवरुद्ध

काठमाडौं,माघ १५ । मुग्लिन–नारायणगढ सडक खण्ड अवरुद्ध भएको छ । अचानक खसेको सुख्खा पहिरोले गएरातीदेखि सडक अवरुद्ध बनेको हो । पहिरोको कारण पूर्वपश्चिम राजमार्गअन्तर्गत पूर्वबाट आएका लामो दूरीका यातायात साधन शुक्रवार बिहानदेखि हेटौँडा त्रिभुवन राजपथ हुँदै काठमाडौँतर्फ पठाउन थालिएको छ। चितवनको मुग्लिन र अन्य स्थानमा गएको पहिरोबाट बन्द भएको कारण त्रिभुवन राजपथ हुँदै काठमाडौँतर्फ प्रस्थान गर्न थालेको जिल्ला प्रहरी कार्यालय मकवानपुरले जनाएको छ।

गएराति ९ बजे खसेको पहिरोका कारण अति व्यस्त सडक अवरुद्ध हुँदा हजारौ यात्रु अलपत्र परेका छन् । धादिङ र चितवनसम्म गाडीको जाम भएको छ । प्रहरीका अनुसार राति अबेरसम्म पनि पहिरो खस्ने क्रम जारी रहेकाले बाटो खुलाउने प्रयास भएपनि खुल्न सकेको छैन ।

अहिले डोजर पहिलो नजिक पुगेपनि बाटो खोल्ने काम गर्न सकिएको छैन । सडक अवरुद्ध हुँदा चितवनबाट पोखरा–काठमाडौं जाने र आउने सवारी साधन बीच बाटोमै अलपत्रमा परेका छन् ।