भ्यालेन्सिया र सेभिया ‘कोपा डेल रे’को सेमिफाइनलमा

एजेन्सी,माघ १५ । भ्यालेन्सिया र सेभिल्ला स्पेनिस कोपा डेल रे फुटबलको सेमिफाइलमा प्रवेश गरेका छन् । बिहीबार राति भएको क्वाटरफाइनलको दोस्रो लेगमा लास पाल्मासलाई १–० ले हराउँदै भ्यालेन्सिया समग्रमा २–१ को जितसहित सेमिफाइनलमा प्रवेश गरेको हो । पहिलो लेगमा भ्यालेसिन्या र लास पाल्मासले १–१ गोलको बराबरी खेलेका थिए । गएराति भएको अर्को खेलमा मिरान्डेसलाई ३–० ले हराएको सेभिया समग्रमा ५–० को जितसहित सेमिफाइलनमा प्रवेश गरेको छ । क्वाटरफाइनलको पहिलो लेगमा सेभिल्ला २–० ले विजयी भएको थियो ।

भ्यालेन्सियाले सन् २००८ मा कोपा डेल रेको उपाधि जितेको थियो । यस्तै बिहीबार राति नै भएको अर्को खेलमा मिरान्डेसलाइृ ३–० ले हराएको सेभिल्ला समग्रमा ५–० को जितसहित सेमिफाइलनमा प्रवेश गरेको छ । क्वाटरफाइनलको पहिलो लेगमा सेभिल्ला २–० ले विजयी भएको थियो । बार्सिलोना र सेल्टा डी भिगो यस अघि नै अन्तिम चारमा प्रवेश गरिसकेका छन् । शुक्रबार सेमिफाइनलको ड्र सार्वजनिक हुनेछ ।