धादिङ र नुवाकोटलाई केन्द्रबिन्दू बनाएर भूकम्पको धक्का महसुस

काठमाडौं,माघ ८ ।आज बिहान भूकम्पको शक्तिशाली पराकम्प गएको छ । नुवाकोटको साल्मे गाँउ विकास समितिलाई केन्द्रबिन्दु बनाएर बिहान एक बजेर सात मिनेटमा चार दशमलव ६ रेक्टर स्केल मापनको शक्तिशाली पराकम्प गएको हो । बैशाख १२ को विनासकारी भूकम्प पछि लगातार जस्तो पराकम्प गएपनि आज बिहान गएको पराकम्प भने भूकम्पको स्वरुपमा जमिनलाई कम्पन दिदै गएको राष्ट्रिय भूकम्प मापन केन्द्र काठमाडौले जनाएको छ ।
करिब ६ सेकेण्ड जति गएको पराकम्पबाट केन्द्रबिन्दु भएको स्थान नुवाकोटको साल्मे सहित भाल्चे, किम्ताङ, मनकामना, फिकुरी, सामरी, रसुवाको डाँडागाँउ, ठूलोगाँउ, धादिङको झार्लाङ्ग, रि, बोरङ्ग लगायतमा भौतिक संरचनामा केही क्षति पु-याएको छ ।
बिहान गएको पराकम्पले यसअघिको भूकम्प तथा पराकम्पले जीर्ण बनाएको घरको केही भाग लडादिइको, पहिरो गएको, ढुङ्गा गुल्टिएको भएपनी मानवीय क्षति भएको खबर भने नआएको जिल्ला प्रहरी कार्यालय नुवाकोटले  जनाएको छ ।
पराकम्पको कम्पन नुवाकोट सहित, धादिङ, रसुवा, काठमाडौ, गोरखा लगायतको जिल्लामा गरिएको थियो । पराकम्प महशुस गरिएको जिल्लाका बासिन्दाहरु मध्येरातमा गएको पराकम्पको कारण त्रसित हुदै भागदौड समेत भएको थियो ।  – See more at: