प्रिन्स बने बिग बोस सिजन ९ का विजेता

एजेन्सी,माघ १० । भारतीय टेलिभिजन रियालिटी शो बिग बोस ९’ मा प्रिन्स नरुला विजयी बनेका छन् । उनले आफ्ना प्रतिद्वन्द्वी रोशेल राव, मन्दना करीमी र ऋषभ सिन्हालाई हराए । बिग बोस सिजन ९ मा प्रिन्स पहिलो नम्बरमा पर्न सफल भए भने ऋषभ दोस्रो, मन्दना तेस्रो र चौथो स्थानमा रोशेल रहे ।
अक्टुबर ९ तारिखदेखि सुरु भएको प्रतियोगितामा २० जना प्रतिपस्र्धी थिए । त्यसमध्ये चार जना फाइनलमा पुगेका हुन् । सलमान खानले होष्ट गरेको उक्त ‘शो’ मा प्रिन्सलाई ३५, १८, ९०९ र उप विजेता ऋषभलाई ३४, ०१, ८८९ भोट प्राप्त भएको थियो । प्रिन्सले ३५ लाख भारु पनि हात पारेका छन् । यसपटकको बिग बोसमा बलिउडका दुई स्टार सलमान खान र साहरुख खान एकै साथ देखा परेका थिए ।