गम्भीर अपराधमा संलग्नलाई असल चालचलनको प्रमाणपत्र !

काठमाडौं,मंसिर २० । कुनै पनि अपराधमा संलग्न नभएकालाई प्रहरीले चालचलन प्रमाणपत्र (पुलिस रिपोर्ट) दिनुपर्ने हो । तर, नीतिगत त्रुटिका कारण गम्भीर अपराधमा संलग्नले समेत प्रहरी रिपोर्ट पाउने गरेका छन् ।
प्रहरीले दायर गर्ने फौजदारी मुद्दालाई मात्र आधार बनाएर पुलिस रिपोर्ट दिने गरिएको नयाँ पत्रिकामा खबर छ ।
वन्यजन्तुको तस्करी, अवैध मुद्राको कारोबार, राजस्व छली, सम्पत्ति सुद्धीकरण, भ्रष्टाचार, वैदेशिक रोजगार ठगीजस्ता गम्भीर मुद्दामा संलग्नहरुले भने सजिलै पुलिस रिपोर्ट पाउने गरेका छन् । यो त्रुटिको फाइदा ठूला अपराधीलाई भइरहेको छ ।
तीन महिनामा डेढ लाखले लिए
यो वर्ष साउन, भदौ र असोजमा एक लाख ४३ हजार आठ सय २८ ले प्रहरी रिपोर्ट लिएका छन् । एक लाख ४४ हजार नौ सय ९७ ले आवेदन दिएका थिए ।