काठमाडौं,मंसिर १९ । सत्तारुढ दल मधेशी जनअधिकार फोरम लोकतान्त्रिकले तीन दल आठ प्रदेश बनाउन सहमत नभए सरकारबाट बाहिरिने धम्की दिएको छ । नेकपा एमाले र एकीकृत नेकपा माओवादी तथा मुख्य विपक्षी नेपाली काँग्रेस आठ प्रदेश बनाउन सहमत नभए आफु सत्तावाठ बाहिरिने चेतावनी दिएको हो ।
फोरम लोकतान्त्रिकको राजनीतिक समितिको शनिबार ललितपुरमा बसेको बैठकले मधेशवादी दल र थारु समुदायको आन्दोलन सम्बोधनका क्रममा प्रमुख दलहरु ८ प्रदेश बनाउन सहमत नभए सरकारबाट वाहिरिने चेतावनी दिदै पार्टी अध्यक्ष विजयकुमार गच्छदारले आफ्नो पार्टी सशर्त सरकारमा सहभागी भएको भन्दै ८ प्रदेश बनाउने गरी संविधान संशोधन गर्न प्रमुख दलहरु सहमत नभए पार्टीले सरकारबाट वाहिरिने निर्णय गर्ने बताए।
फोरम लोकतान्त्रिकका अध्यक्ष गच्छदारले मधेशवादी दल र थारु समुदायको आन्दोलन सम्बोधनका लागि प्रदेशको सीमांकन हेरफेर गर्नुको विकल्प नरहेको बताए। उनले निर्वाचन क्षेत्र निर्धारण र समानुपातिक÷समावेशी प्रतिनिधित्वको विषयमा दलहरुबीच खासै विवाद् नरहेको भन्दै सीमांकनका विषयमा प्रमुख दलहरु लचिलो हुनुपर्ने बताउनुभयो ।
No comments:
Post a Comment