काठमाडौं,मंसिर २० । भारत प्रस्थान गर्न लागेका हिमाल मिडियाका प्रकाशक तथा साझा यातायातका अध्यक्ष कनकमणि दीक्षितलाई विमानभित्रै अख्तियार दुरुपयोग अनुसन्धान आयोगले पत्र थमाएको छ । अकुत सम्पत्ति आर्जन गरेको आरोपमा छानबिन सुरु गरेको खबर सार्वजनिक भइरहेका बेला आइताबार बिहान दिल्ली जानको लागि त्रिभुवन विमानस्थलमा पुगेका बेला दीक्षित अख्तियार दरुपयोग अनुसान्धान आयोगका कर्मचारीले एउटा चिठी थमाएको हो ।
अख्तियारले दीक्षित सहित २९ जनाको बैंक लकर समेत बन्द गर्न निर्देशन दिएको छ । चिठीमा साझा यातायातको अध्यक्षको हैसियतमा अख्तियारले बोलाएको बताइएको छ । ‘अख्तियारको पत्र वाहक जागरुक थिए, दिल्ली उढ्नै लागेको नेवानी जहाज भित्रै आएर पत्र ठम्याए,’ दीक्षितले ट्विटरमा उल्लेख गरेका छन्, ‘अख्तियारले च.नं. ७३४ पत्र मार्फत साझा यातायात अध्यक्ष हैसियतमा ‘उपस्थित हुन’ बोलायो काठमा नं. ४१६ मा । उपस्थिति जनाउन हतारो, उत्सुकताको सीमा रहेन ।’
No comments:
Post a Comment