दिल्लीमा मधेसी मोर्चाको नेताहरुको भेटवार्ता सुरु

काठमाडौं,मंसिर  २०  । प्रमुख तीनसँगगको वार्ता लत्याउदै भारतको दिल्ली उडेका संयुक्त लोकतान्त्रिक मधेसी मोर्चाका शीर्ष नेताहरुले भेटवार्ता सुरु गरेका छन् । आइतबार दिल्ली पुगेलगत्रै जनता दल युनाइटेडका अध्यक्ष शरद यादवसँग भेट गरेका हुन् । नेपालमा तीन महिनादेखि आन्दोलन चर्काउदै आएका मोर्चाका नेताहरुसँग भारतीय नेता यादवले आफ्नो निवासमा भेट गरेका हुन् । मोर्चाका नेताहरु राजेन्द्र महतो र महेन्द्र राय यादव शनिबार नै दिल्ली पुग्नु भएको थियो भने उपेन्द्र यादव र महन्थ ठाकुर आइतबार बिहान दिल्ली पुग्नु भएको हो ।