चाल्र्स सोभराजलाई जन्मकैद

सुनसरी,मंसिर ९ । ललितपुर – पुनरावेदन अदालत पाटनले भक्तपुर जिल्ला अदालतको फैसला सदर गर्दै विकनी किलरका नामले कुख्यात चाल्र्स गुरुमुख शोभराजलाई सर्वस्वसहित जन्मकैदको फैसला सुनाएको छ ।
पुनरावेदन अदालतका न्यायाधीश बालकृष्ण उप्रेती र नारायणप्रसाद शाहको इजलासले जिल्लाकै फैसला सदर गरेको हो । भक्तपुरमा ०३२ सालमा क्यानडियन नागरिक लरेन्ट अर्मान्ड क्यारियरको हत्या गरेको अभियोगमा जिल्ला अदालतले गत असोज १ गते सोभराजलाई सर्वस्वसहित जन्मकैदको फैसला सुनाएको थियो । जिल्ला न्यायाधीश नागेन्द्रलाल कर्णले उक्त फैसला गरेका थिए । आजको नागरिक दैनिकमा खबर छ ।