एजेन्सी,मंसिर १३ । म्यान्चेस्टर सिटी इङ्गलिस प्रिमियर लिग फुटबल प्रतियोगिताको शिर्ष स्थानमा उक्लिएको छ । शनिबार राति आफ्नै घरेलु मैदानमा भएको खेलमा साउथह्याम्पटनलाई ३-१ ले हराँउदै सिटी शिर्ष स्थानमा उक्लिएको हो । जितसँगै म्यान्चेस्टर सिटीले १४ खेलबाट २९ अंक जोडेको छ ।
शनिबार राति भएको खेलमा लेष्टरले म्यान्चेस्टर युनाईटेडँग १-१ गोलको बराबरी खेलेको हो ।
यो खेलमा गोल गरेका लेष्टरका स्ट्राईकर जेमी भार्डीले इङ्गलिस प्रिमियर लिग फुटबलको इतिहाँसमै लगातार ११ खेलमा गोल गर्ने किर्तीमान बनाएका छन् । म्यान्चेस्टर युनाइटेड विरुद्ध गोल गर्दै भार्डीले म्यान्चेस्टर युनाईटेडकै पुर्व खेलाडी रुड भान निस्टलरोयले राखेको लगातार १० खेलमा गोल गर्ने किर्तीमान तोडेका हुन् ।
यसैगरी शनिबार राति नै भएका लिग अन्तर्गतका अन्य खेलहरुमा बार्यनमाउथ र एभर्टन ३-३ गोलको बराबरी खलेका छन् भने वार्टफोर्डसँग एष्टनभिल्लाले ३–२ को पराजय बेहोर्दै आफ्नो खराव खेलको निरन्तरतामा रह्यो । स्टोक सिटीलाई २–० ले हराएको सण्डरल्याण्ड रेलिगेशनबाट बाहिर निस्कन सफल भयो ।
No comments:
Post a Comment