छात्रा फुटबल:युनिक सनराईज र शारदा सरस्वती उच्च माबि भिड्दै

पप्पु गुरुङ्ग-दोधारा चाँदनी,मंसिर १३ । कञ्चनपुरको दोधारा चाँदनीमा जारी छात्रा फुटबल प्रतियोगितामा आज युनिक सनराईज र शारदा सरस्वती उच्च माबि बिच प्रतिष्स्प्रधा हुने भएको छन् । लैगिंक हिंसा बिरुद्धको १६ दिने अभियानको सन्दर्भमा लैगिंक हिंसा न्युनिकरणका लागि छात्रा फुटवल प्रतियोगिता दोधारा चाँदनीमा हिजोबाट श्री लक्ष्मी उच्च माबि दोधारा चाँदनीको खेल मैदानमा सुरु भएको हो ।

आजको खेल ठिक ३ बजे संचालन गरिने आयोजक समितिले जनाएको छ् । सशस्त्र हिंसा न्युनीकरण तथा सामुदायिक सुरक्षा सवलीकरण परियोजनाको सहयोगमा युनिक सनराई उच्च मावि, सामुदायिक सुरक्षा समिति दोधारा चाँदनी र युवा अभियानको संयुक्त अयोजनामा छात्रा फुटवल प्रतियोगिताको आयोजना गरिएको हो । हिजो भएको उदघाटन समारोहमा ओमपुष्पाञ्ली ईगंलिस स्कुल र आयोजक टिम युनिक सनराईज उच्च मावि को छात्रा टिम बिच सदभाव खेल खेलिएको थियो ।

युनिक सनराईज बिद्यलायका ब्यवस्थापन समितिका अध्यक्ष टोप बहादुर खत्रीको सभापतित्वमा तथा सशस्त्र प्रहरी सिमा सुरक्षा बल मझगा“उका सशस्त्र प्रहरी उपरिक्षक तारादत्त पन्तको प्रमुख आथित्वमा सम्पन्न भएको हिजोको उद्धघाटन कार्यक्रममा महिला अधिकारकर्मी भगवती थापा, जिल्ला फुटवल संघ जिल्ला अध्यक्ष भीमबहादुर थापा, एभिआएससिएस परियोेजनाका परियोजना अधिकृत धनबहादुर थारु लगायत बिभिन्न राजनैतिक दल, स्थानिय संघ संस्थाका पदाधिकारीहरुको सयुक्त उपस्थितिमा फुटवल प्रतियोगिता सुरु भएको हो ।

मंसिर १२ देखि १८ गते सम्म सञ्चालन हुने छात्रा फुटवल प्रतियोगितामा दोधारा चाँदनी नगरपालिकाका ८ वटा बिद्यालयको सहभागिता रहको छ । कार्यक्रममा सहभागिता जनाउने ८ ओटा बिद्यालय मध्ये ४ ओटा बिद्यालयमा सशस्त्र हिंसा न्युनीकरण तथा सामुदायिक सुरक्षा सवलीकरण परियोजना अन्तरगत प्रहरीसंग एक दिन कार्यक्रम सञ्चालन गरिएका बिद्यालय रहेका छन् ।

नेपाल सरकार गृह मन्त्रालय र युएनडिपीको सहकार्यमा सञ्चालन भएको सशस्त्र हिंसा न्युनीकरण तथा सामुदायिक सुरक्षा सवलीकरण परियोजनाको सहयोगमा स्थानिय स्तरमा गठित सामुदायिक सुरक्षा समितिको आयोजनामा महिला हिंसा न्युनिकरण, सामाजिक सदभाव अभिबृद्धि, सामुदायिक सुरक्षा सचेतना अभिबृद्धि, लगायत लागुऔषध दुब्र्यशनी तथा अवैध मदिराको रोकथामका लागि स्थानिय जनसमुदायलाई सचेत र जागरुक बनाउदै सामुदायिक सुरक्षा अभिबृद्धि गर्दै जनता र प्रहरी को सम्वन्ध सुधारका कार्य गर्दै आईरहेको छ ।

दोधारा चाँदनीमा पहिलो पटक आयोजना गरिएको छात्रा फुटवल प्रतियोगिताले यस क्षेत्रका महिलाहरु उत्साहित भएका छन । भोलीको खेल सामुदायिक सुरक्षा समिति दोधारा र अम्बिका उच्च माध्यमिक दोधारा चाँदनी बिच हुने आयोजक समितिका सदस्य किशोर कुमार लिम्बुले जानकारी दिएका छन् ।