पर्व छठको आज दोस्रो दिन खरना मनाइँदै

काठमाडौं,कातिक ३० । मिथिलाञ्चलको महत्वपूर्ण पर्व छठको आज दोस्रो दिन खरना मनाइँदै । तराईमा श्रद्धा, भक्ति र सांस्कृतिक प्रतिबिम्बको रुपमा छठपर्वलाई मनाइँन्छ । सत्य र अहिंसाप्रति मानवको रुचि बढाउने र सबै जीवप्रति सहानुभूति राख्न अभिप्रेरित गर्ने तराईवासीले हर्षोल्लासका साथ मनाउने गर्दैछन् । चार दिनसम्म मनाइने पर्वका लागि धनुषा, महोत्तरी, सिरहा, सप्तरी, बारा, पर्सा, रौतहटसहित तराईका जिल्लाका नदी पोखरीलाई वेहुली झै सजाइएका छ । छठको पहिलो दिन हिजो अरबा अरबाइन मनाइएको छ । छठको तेस्रो दिन भोली अस्ताउँदै गरेको सूर्यलाई अर्घ दिई गहुँ र चामलको पिठोबाट बनेको परिकार चढाउने चलन छ । चोथौं तथा अन्तिम दिन उदाउँदै गरेको सूर्य र षष्ठी मातालाई अर्घ दिई छठ सम्पन्न गरिन्छ । पारिवारिक सुख, शान्ति, कल्याण, रोगबाट मुक्ति तथा विभिन्न मनोकांक्षा पूरा होस् भन्ने उद्देश्यले सूर्यको उपासना गरी यो पर्व मनाउने गरिन्छ ।