राजिनामा दिएका लोकेन्द्र विष्ट पुरानै जिम्मेवारीमा फर्किए

काठमाडौं,मंसिर १५ । पार्टीका सबै जिम्मेवारीबाट राजिनामा दिएर खेतीपातीमा लागेका एकिकृत माओवादीका नेता लोकेन्द्र विष्ट मगर मंगलबार दिउसोबाट सुरु हुने केन्द्रिय समितिको पूर्ण बैठकमा फर्केका छन् । पार्टी संचालन विधि तथा प्रक्रियामा असहमति राख्दै राजिनामा दिएका विष्टलाई पार्टीले पुरानै जिम्मेवारी दिएर फर्काउन लागेको हो ।

झण्डै एकवर्षदेखि राजिनामा दिएर काभ्रेको भकुण्डेबेसीमा खेति किसानीमा लागेका थिए । आजदेखि शुरु हुने केन्द्रीय समिति बैठकमा पनि सहभागि हुने बताएका छन् । विष्टले राजिनामा दिएपनि उनको राजिनामा भने स्विकृत भएको थिएन । लोकेन्द्र विष्टमगर काभ्रेको भकुण्डेमा गएर कालो धान खेति गरी बसेका थिए ।