चार महिनापछि बाबुराम यसरी बन्दैछन् पार्टी प्रमुख

काठमाडौं,मंसिर ८ । एमाओवादी परित्याग गरेर नयाँ शक्ति निर्माण अभियानमा जुटेका पूर्व प्रधानमन्त्री बाबुराम भट्टराई चार महिनापछि नयाँ पार्टीको प्रमुख हुने भएका छन् । भट्टराईलाई समर्थन गर्ने एमाओवादीका नेता कार्यकर्ताहरुको काठमाडौंमा सम्पन्न दुई दिने भेलाले दुई चरणमा चार महिने अभियान संचालन गरेपछि राष्ट्रिय सम्मेलन गरी नयाँ पार्टी गठन गर्ने निर्णय गरेको भेलामा सहभागी नेता कुमार पौडेलले बताए ।
पौडेलले भने, ‘मुलुकभर संगठन निर्माण, भेला, अन्तक्र्रियामा केन्द्रित भएर अभियान संचालन गर्छौ ।’
भट्टराई नेतृत्वमा रहेको नयाँ शक्ति निर्माण अभियानले भारतीय नाकाबन्दी र मधेस आन्दोलनलाई छासमिस गरेर धारणा बनाउनु गलत रहेको निष्कर्ष निकालेको छ । अभियानले मुलुकको आन्तरिक समस्या समाधानमा सरकार उदासीन भएर आन्दोलनकारीसँग सार्थक वार्ता नगरेको आरोप लगाएको छ । आजको अन्नपूर्ण पोष्ट दैनिकमा खबर छ–