हतियार सहित नेपाल छिरेका १३ एसएसबीलाई पाँच घण्टापछि छोडियो

झापा,मंसिर १३ । दक्षिणी झापाको केचना गाविसको सीमा नाकाबाट हतियार सहित नेपाल प्रवेश गरेका १३ जना भारतीय सीमा सुरक्षा बल एसएसबी०का सुरक्षाकर्मी छोडिएका छन्। सशस्त्र प्रहरीको टोलीले नियन्त्रणमा लिएको उनिहरुलाई दुई पक्षबीचको छलफलपछि आइतबार दिउसो १ बजे छोडिएका हो । अनुसन्धानपछि उनीहरुलाई भारतीय पक्षको जिम्मा लगाइएको छ । आइतबार बिहान साढे ६ बजेतिर नेपाली भूभागमा छिरेका उनीहरुलाई केचनास्थित सशस्त्र प्रहरीको बोर्डर आउट पोस्टका सशस्त्र प्रहरी टोलीले नियन्त्रणमा लिएको थियो ।