बन्दलाई तोडफोड नगरिने बताएको विप्लब माओवादीले धादिङमा ट्रक जलाए

धादिङ, मंसिर १३ । नेकपा माओवादी विप्लव समूहका कार्यकर्ताले बन्दको अवज्ञा गरेको भन्दै धादिङमा एक ट्रकम आगजनी गरेका छन् । विप्लवका कार्यकर्ताले मलेखु–धादिङबेसी (कालु पाण्डे) राजमार्ग अन्गर्तगत नलाङको कालिदहनजिक सिक्रेखोलामा ट्रक जलाएका हुन् । मलेखुबाट इट्टा बोकेर धादिङबेसी जाँदै गरेको ना ४ ख ७१३० नम्बरको ट्रक आगजनीबाट पूर्ण रुपमा क्षति भएको छ । शनिबार बन्दको चौतर्फी आलोचना भएपछि विप्लव माओवादीका प्रवक्ता प्रकाण्डले आजको बन्दलाई तोडफोड नगरिने मौलिक बन्दको संज्ञा दिएको थिए । तर माओवादी कार्यकर्ताहरुले एकाबिहानै ट्रकमा आगजनी गरेका हुन् ।