झापा,मंसिर १३ । दक्षिणी झापाको केचना गाविसको सीमा नाकाबाट हतियार सहित नेपाल प्रवेश गरेका १३ जना भारतीय सीमा सुरक्षा बल (एसएसबी)का सुरक्षाकर्मीलाई सशस्त्र प्रहरीको टोलीले नियन्त्रणमा लिएको छ । आइतबार बिहान साढे ६ बजेतिर नेपाली भूभागमा छिरेका उनीहरुलाई केचनास्थित सशस्त्र प्रहरीको बोर्डर आउट पोस्टका सशस्त्र प्रहरी टोलीले नियन्त्रणमा लिएको हो ।
भारतको बिहारसँग सीमा जोडिएको झापाको केचनास्थित नेपाली भूभाग प्रवेश गरेर स्थानीयवासीलाई आतंकित बनाइरहेको अवस्थामा उनीहरुलाई नियन्त्रणमा लिएको जनाइएको छ । पक्राउ परेका मध्ये चार जनासँग अत्याधुनिक राइफल समेत छ ।
तस्करलाई लखेट्दै गर्दा नेपाल प्रवेश गरेको उनीहरुले बताएका छन् । दुई दिन अघि सो नाकाबाट तस्करहरूले ४२ बोरा सुपारी भारततर्फ लैजाने क्रममा भएको झडपमा प्रहरीले १३ राउन्ड फायरिङ गरेको थियो । पक्राउ परेका सबैलार्ई केचना नाकामा रहेको सशस्त्र प्रहरीको बेसक्याम्पमा राखिएको छ ।
No comments:
Post a Comment