भारतीय नाकाबन्दीबिरुद्ध संयुक्त राष्ट्रसंघको भवन अगाडी धर्ना

स्वीजरल्याण्ड,कातिक १९ । भारतले नेपालमाथी लगाएको अघोषित नाकाबन्दीकाबिरुद्ध संयुक्त राष्ट्रको प्रधान कार्यालय स्वीजरल्याण्ड अगाडी धर्ना दिइने भएको छ । संयुक्त राष्ट्रसंघमा मानवअधिकार सम्बन्धी कार्यक्रम भइरहेका बेला बाहिर नेपाली समुदायले प्रर्दशन गर्ने भएको छ । बिहीबार दिउँसो २।३० बजेदेखि धर्ना कार्यक्रम सुरु हुने भएको छ ।
बुधबार मात्र ऐक्यवद्धता मञ्च स्वीटजरल्याण्ड, नेपाली जनसम्पर्क समिति स्वीटजरल्याण्ड र प्रवासी नेपाली मञ्च स्वीटजरल्याण्डले संयुक्तरुपमा भारतीय दुतावासमा ज्ञापन पत्र बुझाएका थिए । नेपालमाथी लगाईएको नाकाबन्दी अन्तराष्ट्रिय कानुन विपरित भएको ज्ञापन पत्रमा उल्लेख गरिएको छ ।