ट्याक्टर दुर्घटनामा चालकको मृत्यु

खोटाङ, कार्तिक १७ । खोटाङ जिल्लाको साउनेचौर गाविसमा सोमबार सांझ ट्याक्टर दुर्घटनामा चालकको मृत्यु भएको छ। को. २ त १७८६ नम्बरको ट्रयाक्टर साउनेचौर गाविस २ र ३ को विचमा पर्न राप्टा भन्ने स्थानमा सडकबाट तल खस्दा उक्त ट्याक्टरका चालक उदयपुर सिद्दिपुर निवासी २३ वर्षिय सोमलाल विश्वकर्माको मृत्यु भएको हो।
सांझ करिब साढे पाँच बजे धाप्लाङबाट चिसापानी बजारतर्फ जादै उक्त ट्याक्टर राप्टामा सडकदेखि अन्दाजी ३०० मिटर तल खसेर दुर्घटना भएको थियो। दुर्घटनामा चालकको घटनास्थलमै मृत्यु भएको थियो।
घटनास्थलमा इलाका प्रहरी कार्यालय चिसापानी र प्रहरी चौकी हुक्नाजोरबाट प्रहरी टोली खटि गई उद्दार गरिएको थियो।