काठमाडौं,मंसिर १४ । प्रधानमन्त्री केपी शर्मा ओलीको पहलमा आज दिउँसो प्रधानमन्त्री निवास बालुवाटारमा त्रिपक्षीय वार्ता बस्दैछ । तराई आन्दोलन र संविधान संशोधनका विषयमा छलफल गर्न सोमबार प्रमुख तीनदल र मधेसी मोर्चाको संयुक्त बैठक बोलाइएको छ ।
वार्तामा कांग्रेस नेतृत्वको सरकारले संसद्मा पेस गरेको दुईबुँदे संविधान संशोधन प्रस्तावका विषयमा मोर्चासँग छलफल हुनेछ । त्यसैगरी तराईका माग सम्बोधनका विषयमा पनि छलफल हुनेछ । प्रधानमन्त्री ओली मधेसी मोर्चासँग आमुन्नेसामुन्ने हुनेगरी वार्तामा वस्न लागेको यो पहिलो पटक हो । कांग्रेसले तराईका माग सम्बोधन गर्न संविधान संशोधन प्रस्ताव पेस गरे पनि एमाले त्यसमा सहमत छैन ।
No comments:
Post a Comment