काठमाडौं,मंसिर १४ । काठमाडौं । प्रधानमन्त्री केपी शर्मा ओलीको पहलमा बालुवाटारमा भएको त्रिपक्षीय वार्ता निश्कर्ष विहिन सकिएको छ । तराई आन्दोलन र संविधान संशोधनका विषयमा छलफल गर्न सोमबार प्रमुख तीनदल र मधेसी मोर्चाको संयुक्त बैठकले कुनै ठोस निष्कर्ष निकाल्न सकेन् । मधेशी मोर्चाले वार्ताको वातावरण बनाउन नसकेको र चरम दमन गरेको आरोप आरोप बैठकमा लगाएको थिए।
वार्तामा प्रधानमन्त्री एवम् नेकपा एमालेका अध्यक्ष ओलीसहित एमाले वरिष्ठ नेता झलनाथ खनाल, नेता माधवकुमार नेपाल, नेपाली कांग्रेसका सभापति सुशील कोइराला, वरिष्ठ नेता शेरबहादुर देउवा, उपसभापति रामचन्द्र पौडेल तथा एकीकृत नेकपा माओवादीका अध्यक्ष पुष्पकमल दाहाल र उपाध्यक्ष नारायणकाजी श्रेष्ठ सहभागी थिए।
यस्तै आन्दोलनकारी दलहरुका तर्फबाट तमलोपाका अध्यक्ष महन्त ठाकुर, उपाध्यक्ष हृदयेश त्रिपाठी, सद्भावना पार्टीका सहअध्यक्ष लक्ष्मणलाल कर्ण, संघीय समाजवादी फोरम नेपालका उपाध्यक्ष लालबाबु राउत र तराई मधेश सद्भावना पार्टीका वरिष्ठ नेता रामनरेश राय वार्तामा सहभागी थिए। अर्को वार्ता बुधबार साँझ ६ बजे बस्ने तय भएको छ।
No comments:
Post a Comment