म्यानचेष्टर सिटीलाई पराजित गर्दै युभेन्टस नकआउट चरणमा

काठमाडौं,मंसिर १० । म्यानचेष्टर सिटीलाई पराजित गर्दै युभेन्टस च्याम्पियन्स लिग फुटबलको नकआउट चरणमा प्रवेश गरेको छ । युभेन्टससँग हारेपनि सिटी पनि अन्तिम १६ मा पुगेको छ । बुधबार राति भएको खेलमा इटालियन क्लब युभेन्टसले म्यानचेष्टर सिटीलाई १-० गोल अन्तरले पराजित गरेको छ ।
युभेन्टसको जितमा १८ औं मिनेटमा मारियो मान्जुकिकले गरेको गोल नै निर्णायक बन्यो । जितपछि शीर्ष स्थानमा उक्लिएको युभेन्टसको पाँच खेलबाट ११ अंक भएको छ । पाँच खेलबाट ९ अंक जोडेको म्यानचेस्टर सिटी दोेस्रो स्थानमा झरेको छ ।