मोर्चाका कार्याकर्ताद्धारा आजपनि एम्बुलेन्समा आक्रमण,चालक गम्भीर घाइते

सुनसरी, मंसिर ५ । मधेसीमोर्चाको कार्यकर्ताले आजपनि विरामी बोकेको एम्बुलेन्समा आक्रमण गरेका छन् । विराटनगरको गोल्डेन अस्पतालबाट धरान रिफर गरेको विरामी शरध्वज तामाङलाई लिँएर जाँदै गरेको को १ च ४७१५ नम्बरको एम्बुलेन्समा आन्दोलनकारीले सुनसरीको दुहबीमा आक्रमण र तोडफोड गरेका छन्। उनीहरूको आक्रमणबाट एम्बुलेन्स चालक आनन्द विक गम्भीर घाइते भएका छन्। यसअधि हिजोपनि रङ्गेलीबाट विरामी लिएर विराटनगर आउँदै गरेको एम्बुलेन्सलाई कटहरीमा रोकी बिरामी बच्चालाई एम्बुलेन्सभित्रै राखेर एम्बुलेन्स तोडफोड गरेका थिए ।