काठमाडौं,मंसिर ६ । स्पेनिस ला लिगा फुटबल अन्तर्गत यो सिजनको पहिलो इएल क्लासिकोमा घरेलु टोली रियल मड्रिडले लजास्पद हार चाखेको छ । शनिवार राती भएको खेलमा बार्सिलोनाले चिरप्रतिद्धन्द्धी रियल मड्रिडलाई उसकै ४–० ले हरायो । बार्सिलोनालाई जित दिलाउन लुइस स्वारेजले दुई तथा नेइमार र आन्द्रे इनिएस्टाले एक एक गोल गरे ।
११ औं मिनेटमा स्वारेजले पहिलो गोल गर्दै बार्सिलोनालाई सुरुवाती अग्रता दिलाए । ३९ औं मिनेटमा नेइमारले अग्रता दोब्बर पारे । ५३ औं मिनेटमा इनिएस्टाले गोल गरेपछि रियल मड्रिड ३–० ले पछि पर्यो ।
७४ औं मिनेटमा स्वारेजले व्यक्तिगत दोस्रो गोल गर्दै बार्सिलोनालाई ४–० को सानदार जित दिलाए । जित पछि शीर्ष स्थानको बार्सिलोनालो रियल मड्रिडसँगको अंक दूरी ६ मा पुर्याएको छ । बार्सिलोनाको १२ खेलबाट ३० तथा दोस्रो स्थानको रियल मड्रिडको १२ खेलबाट २४ अंक छ ।
No comments:
Post a Comment