भारतसँग गरेको बाचा पूरा नगरेकाले नाकाबन्दी लगाएको खुलासा

काठमाडौं,मंसिर ११ । उपप्रधान तथा परराष्ट्रमन्त्री कमल थापाले नेपालले भारतसँग गरेको बाचा पूरा नगरेकाले नेपालमा नाकाबन्दी लगाएको खुलासा गरेका छन् । सिंहदरवारस्थित आफ्नै मन्त्रालयमा शुक्रबार परराष्ट्रविद्हरुसँगको छलफलका क्रममा मन्त्री थापाले भारतसँग गरेको बाचा पूरा नगरेकाले नेपालमा नाकाबन्दी लगाएको खुलासा गरेका हुन् । यद्यपी कसले र के विषयमा बाचा पूरा गरेको हो भन्नेबारेमा भने केही खुलाएनन् ।

भारतसँग भएको बाचा पूरा नगरेकाले अहिलेको अवस्था आएको परराष्ट्रविद्हरुलाई जानकारी गराउँदै मन्त्री थापाले भने, ‘नेपालले भारतसँग गरेको केही बाचा पूरा गरेन, हामीलाई संविधान बनाउँदा पनि इग्नोर गरियो भन्ने भारतको बुझाइ छ त्यसैले यो अवस्था आयो ।’