पपूवा न्यूगिनीसँग खेल्न १६ खेलाडी छानिए, दुई नयाँ अनुहार (को-को परे टोलीमा)

काठमाडौं,कातिक १६ । नेपाल क्रिकेट संघ क्यानले पपूवा न्यूगिनीसँगको खेलको लागि पारस खड्काको कप्तानीमा १६ सदस्यीय नेपाली टोलीको घोषणा गरेको छ । क्यानले आगामी नोभेम्बर १६ र २८ मा युएईमा हुने खेलका लागि निम्न खेलाडी पारस खड्काको कप्तानीमा १६ सदस्य खेलाडी छनोट गरेको छ। टोलीमा विक्रम सोव र इर्शाद अहमद नयाँ अनुसार छन् भने सुवास खकुरेल, नरेश बुढायर र मेहबुब आलमले पुनरागमन गरेका छन् ।
पारस खड्का, ज्ञानेन्द्र मल्ल, सुवास खकुरेल, बसन्त रेग्मी, शक्ति गौचन, सागर पुन, अनिल मण्डल, सोमपाल कामी, करण केसी, महेशकुमार क्षेत्री, मेहबुब आलम, सरद भेसवाकर, पृथ्यु बाँस्कोटा, इर्साहाद अहमद, नरेश बुढाएर र बिक्रम सोब छन्। बन्द प्रशिक्षणमा रहेका मध्ये रापेश पुलामी मगरका साथै सन्दिप लामिछाने, दिलिप नाथ, यज्ञमान कुमाल टीममा परेनन् । विनोद भण्डारी, प्रदिप ऐरी, सिद्धान्त लोहनी र भुवन कार्की भने प्रारम्भीक टोलीमा नै परेका थिएनन् । यस्तै प्रमुख प्रशिक्षकमा पुबुदु दासानायके र सहायक कोचमा दिपेन्द्र प्रताप सिंह छन्। टेक्निकल एनालिस्टमा रमन सिवाकोटी र फिजोयोमा श्रील भगत छानिएका छन्।