राष्ट्रपति चुनावमा भोट हालेकी ​माधवीलाई सद्भावनाद्धारा निलम्बन

काठमाडौं,कातिक १३ । तराईका जिल्लामा जारी बन्द हडतालमा उग्र भाषण र भारतमा आश्रय लिंदै पूर्व भारतीयका मागलाई बढी उचाल्दै आएका राजेन्द्र महतो नेतृत्वको सद्भावना पार्टीले सांसद माधवी रानी साहलाई सांसदबाट निलम्बनको घोषणा गरेको छ । साहलाई पार्टीको साधारण सदस्य समेत नरहने गरी निलम्बन गरेको बताएको सद्भावनाले राष्ट्रपति निर्वाचनमा पार्टी र मधेशी मोर्चाको निर्णय विपरित भोट हाल्न गएकाले हटाएको बताएको छ । सद्भावना पार्टीको विधान बमोजिम निलम्बन गरी अनुशासनको कारबाही अघि बढाइएको महासचिव मनिषकुमार सुमनद्वारा जारी विज्ञप्तीमा उनलाई मोर्चा र पार्टीको निर्णय अनुसार कारवाही गरेको विज्ञप्तिमा उल्लेख गरेको छ ।