भारतले फेरी ढाँट्यो-‘नाकाबन्दी नगरको प्रष्टोक्ती’

काठमाडौं,कातिक १३ ।एक महिनादेखी अघोषीत रुपमा नाकाबन्दी गर्दै आएको भारतले फेरी ढाँट्दै नाकाबन्दी नगरेको प्रष्टिकरण दिएको छ । तराईका जिल्लामा जारी बन्द हडताललाई बहाना बनाएर भारतबाटै ईन्धन बोकेका गाडी सहित अन्य सवारी साधन आउन नदिएर दुख दिंदै आएको भारतले त्यसलाई ढाँट्दै नेपालकै कारण आपुर्तिमा समस्या भएको तर्क गरेको छ । दशगजा क्षेत्रमा अवैध रुपमा बसेर भारतीय भोज खाँदै नेपालपट्टी ढुंगामुढा गर्नेलाई बास दिंदै आएको भारतले त्यसको समेत बचाउ गर्दै वीरगञ्ज रक्शौल नाका नखुल्दासम्म इन्धन आपूर्ति सहज नहुने बताएको छ।

चीनसँग इन्धन खरिदको सम्झौता भएको दुई दिनपछि भारतीय विदेश मन्त्रालयका प्रवक्ता विकास स्वरुपले इन्धन आपूर्ति सहज हुन नसक्नुमा भारत जिम्मेवार नरहेको भन्दै भारतीय नाकाबन्दीको बचाउ गरेका हुन् । ‘वीरगञ्ज नाकामा नेपाली पक्षबाट भइरहेको आन्दोलन र धर्ना अन्त्य नहुन्जेलसम्म इन्धनको आपूर्ति हुनसक्दैन’ उनले भनेका छन्-‘किनभने नेपालमा जाने सत्तरी प्रतिशत भन्दा बढी इन्धन त्यही नाकाबाट आपूर्ति हुन्छ।’

नेपालले चीनसँग इन्धन आपूर्तिका लागि भएको सम्झौताबारे भारत जानकार रहेको बताएका उनले चीनसँग सम्झौता गर्दैमा अवरुद्ध वीरगञ्ज नाका नखुल्ने जिकिर गरेको छ । विरजगञ्ज बाहेकका नाकाबाट ईन्धन आपुर्ति गर्न तयार रहेको भन्दै यसअघिकै जस्तै भारतीय आश्वासन दिएका उनले आपुर्तिमा भारतीय अवरोध नरहेको भन्दै ढाँटेर भारतीय नाकाबन्दीको बचाउ गरे ।