निगमका १२ ट्याङ्कर पेट्रोल लिन केरूङ हिँडे

काठमाडौं, कातिक १३ । चीनले अनुदानमा दिन लागेको पेट्रोल लिन शुक्रवार १२ वटा ट्यांकर केरुङतर्फ लागेका छन्। नेपाल आयल निगमको थानकोटस्थित भण्डारण केन्द्रमा रहेका १२ हजार लिटर क्षमता भएका १२ वटा ट्यांकर शुक्रबार बिहान त्यसतर्फ पठाएको हो । अन्य ट्यांकर भने शनिबार पठाइने आयल निगमले जनाएको छ । बिहान निगमको थानकोटस्थित भण्डारण केन्द्र पूजा आजा गरी त्यस तर्फ लागेका हुन् । चीनले दिने अनुदानको पेट्रोल पहिलो लटमा १ लाख ४० हजार लिटर अर्थात १ सय टन पेट्रोल आउने भएको हो।