काठमाडौं,कातिक १३ । एसियाली क्रिकेट परिषद् एसीसीले सन् २०१७ मा ईमर्जिङ नेसन्स कप क्रिकेट प्रतियोगिता आयोजना गर्ने भएको छ । उदयमान एशोसियट राष्ट्रहरुलाई लक्षित गर्दै ‘इमर्जिङ नेशन्स कप’ आयोजना गर्न लागेको हो । एसीसीको सिंगापुरमा सम्पन्न बैठकले उक्त निर्णय गरेको हो । प्रतियोगितामा भारत, बंगलादेश, पाकिस्तान र श्रीलंकाका ‘ए साइड’ टोली पनि सहभागी हुनेछ ।
टेष्ट मान्य प्राप्त एसियाली राष्ट्रलाई समेत सहभागी गराएर २०१७ देखि इमर्जिङ कप गर्ने निर्णय गरेको हो । प्रतियोगिता एक दिवसीय फम्र्याटको हुनेछ । यसअघि सन् २०१३ मा पछिल्लो पटक आयोजना भएपछि ईमर्जिङ नेसन्स कप क्रिकेट प्रतियोगिता बन्द गरिएको थियो । एसीसीले चार वर्षपछि पुनः यो प्रतियोगिता सञ्चालन गर्ने भएको हो । यसैबीच एसीसीले यस पटकको एसिया कप क्रिकेट प्रतियोगिता बंगलादेशमा आयोजना गर्ने निर्णय गरेको छ ।
No comments:
Post a Comment