काठमाडौं,कातिक १३ । उपराष्ट्रपति पदमा चारजनाको उम्मेदवारी परेको छ । शनिवारमतदानको कार्यक्रमरहेको उपराष्ट्रपतिको पदमा नेपाली कांग्रेसका तर्फबाट अमियकुमार यादव,एमाओवादीसहित सत्तारुढ गठबन्धनको तर्फबाट एमाओवादीका नन्दकिशोर पुन पासाङ,यसैगरी स्वतन्त्र सांसद अतहर कमाल मुसलमान र परिवार दलका दयाराम कँडेललेले उपराष्ट्रपति पदमा उम्मेदवारी दर्ता गराएका हुन् । उक्त पदको लागि शनिबार बिहान ११ बजेदेखि मतदान सुरु हुने भएको छ।
सचिवालयले आज प्रकाशन गरेको निर्वाचन कार्यक्रमअनुसार उपराष्ट्रपति पदमा राजनीतिक सहमति कायम नभएमा १३ गते १० देखि १ बजेसम्म उम्मेदवारीको प्रस्ताव दर्ता गर्ने, १:३० बजे उम्मेदवारको नामावली प्रकाशित गर्ने, २ बजे उम्मेदवारको नामावलीउपर दाबी विरोध गर्ने, २:३० बजेसम्म उम्मेदवारी फिर्ता लिनका लागि समय निर्धारण गरिएको छ ।
त्यसैगरी उपराष्ट्रपति पदको उम्मेदवारको अन्तिम नामावली सोही दिन ३ बजे प्रकाशन गर्ने, १४ गते शनिबार बिहान ११ देखि २ बजेसम्म गोप्य मतदान हुने, २:३० बजे मतगणना, ४:४५ बजे निर्वाचनको परिणाम सभामुखसमक्ष पेस गर्ने र अपराह्न ५ बजे निर्वाचन परिणाम व्यवस्थापिका–संसद्मा घोषणा गर्ने निर्वाचन तालिकामा उल्लेख छ ।
No comments:
Post a Comment