नवनिर्वाचित उपराष्ट्रपति पुनको सपथ दिउँसो २ बजे

काठमाडौं,कातिक १५ । नवनिर्वाचित उपराष्ट्रपति नन्दकिशोर (नन्दबहादुर) पुनले आइतबार पदत तथा गोपनीयताको सपथ लिँदैछन् । शीतल निवासस्थित राष्ट्रपति कार्यालयमा परिसरमा आइतबार दिउँसो २ बजे हुने एक समारोहकाबीच राष्ट्रपति विद्यादेवी भण्डारीबाट नवनिर्वाचित उपराष्ट्रपति पुनले पद तथा गोपनीयताको सपथ ग्रहण गर्न लागेका हुन् ।

व्यवस्थापिका संसदमा उपराष्ट्रपति चयनका लागि शनिबार भएको निवार्चनमा सत्तारुढ दलका तर्फबाट उम्मेद्वार बनेका पुनले आफ्नो प्रतिद्वन्द्वी कांग्रेसका उम्मेद्वार अमियकुमार यादवलाई एक सय १३ मतले पछि पार्दै उपराष्ट्रपतिमा निर्वाचित भएका हुन् । पुनले तीन सय २५ मत ल्याउँदा यादवले दुई सय १२ मत प्राप्त गरेका थिए ।