काठमाडौं, कातिक १५ । स्पेनिस ला लिगा फुटबल अन्तर्गत शनिबार राति भएको खेलमा बार्सिलोना विजयी भएको छ । गेटाफेलाई २(० ले पराजित गर्दै बार्सिलोनाले रियल मड्रिडसँग अंक बराबरी गरेको छ । बार्सिलोनाले ३७ औं मिनेटमा लुइस स्वरेजको गोलबाट अग्रता लिएको थियो । स्वरेजको यो करियरको ३०० औं गोल समेत हो ।
५८ औं मिनेटमा नेइमारले गोल गरेपछि बार्सिलोनाको अग्रता २–० मा पुग्यो । थप गोल हुन नसकेपछि बार्सिलोना २–० ले विजयी भयो । दोस्रो स्थानमा रहेको बार्सिलोनाको जितपछि शीर्ष स्थानमा रहेको रियल मड्रिडको जस्तै १० खेलबाट समान २४ अंक नै भएको छ । अरु खेलमा भिल्लारियलले सेभिल्लालाई २–१ तथा भ्यालेन्सियाले लेभान्टेलाई ३–० ले हरायो ।
No comments:
Post a Comment