उपराष्ट्रपति चयनका लागि मतदान जारी, मत परिणाम ५ बजे

काठमाडौं, कातिक १४ । उपराष्ट्रपति चयनको लागि व्यवस्थापिका संसदमा मतदान जारी रहेको छ । संसद भवन नयाँबानेश्वर सुरु भएको मतदान दिउँसो दुई बजेसम्म चल्नेछ । बेलुका ५ बजे बस्ने संसद बैठकमा निर्वाचनको परिणाम घोषणा हुने संसद सचिवालयले जनाएको छ । उपराष्ट्रपतिको लागि सत्तारुढ दलको तर्फबाट एकीकृत नेकपा माओवादीका नन्दबहादुर पुन र नेपाली कांग्रेसबाट अमियकुमार यादवको उम्मेदवारी परेको छ ।
अहिलेको समीकरण अनुसार पुन निर्वाचित हुने झण्डै निश्चित छ । संसदमा अहिले कायम रहेको संख्या ५ सय ९७ अनुसार निर्वाचित हुन कम्तीमा २ सय ९९ मत आवश्यक पर्छ ।