एमालेमा ओलीका ४ सम्भावित उत्तराधिकारी,भण्डारी बाहिरिईन्

काठमाडौं,जेठ २९ । नवौं महाधिवेशन सकिएको दुई वर्ष नबित्दै एमालेमा अध्यक्ष केपी ओलीको उत्तराधिकारीको चर्चा हुन थालेको छ । ओलीले गत वैशाख ३ गते बसेको केन्द्रीय समितिको बैठकमा १० औं महाधिवेशनमा अध्यक्षको दाबी नगर्ने घोषणा गरेका थिए । मदन भण्डारी फाउन्डेनसले गरेको भेलामा संस्थापन पक्षले ओलीको उत्तराधिकारीको बहस नै चलाएको आजको नयाँ पत्रिका दैनिकमा खबर छ ।

भण्डारी बाहिरिन्
नवौं महाधिवेशनपछि ओलीको उत्तराधिकारीको रुपमा सबैभन्दा बलियो दाबेदारी मानिएकी उपाध्यक्ष विद्यादेवी भण्डारी राष्ट्रपति बनेसँगै यो रेसबाट बाहिरिएकी छिन् । जसबाट अन्य नेतालाई उत्तराधिकारी बन्ने बाटो खोलिदिएको छ ।
यस्ता छन् सम्भावित उत्तराधिकारीहरु

ईश्वर पोखरेल महासचिव
विशेषताः दुई पटक महासचिव, सांगठनीक रुपमा कुशल र चतुर नेता

सुवास नेम्वाङ, दलका उपनेता

विशेषताः पार्टीमा संयोजनकारी, मृदुभाषी र कूटनीतिक नेता

शंकर पोखरेल, स्थायी समिति सदस्य

विशेषताः वैचारिक नेता । ओलीलाई साथ दिएका विश्वाशिला नेता

प्रदीप ज्ञवाली
विशेषताः पार्टीमा लोकप्रिय र ओलीका विश्वासिला नेता

सबैको साझा बन्ने रणनीतिमा रावल

यता पार्टी उपाध्यक्ष भीम रावल भने ओली र वरिष्ठ नेता माधवकुमार नेपालको साझा उत्तराधिकारीको रुपमा अघि बढ्न प्रयासरत छन् ।