मनिषको पोष्टमार्टमको रिर्पोट : हत्या कि आत्महत्या अझै अन्योल

काठमाडौं,जेठ १८ । जेठ १३ गते बिहान नवलपरासी बर्दघाट ८ भुतास्थित आफ्नै घरमा मृत भेटिएकी नेपालका राष्ट्रिय फुटबलर विमल घर्ती मगरकी बहिनी मनिषा घर्तिमगरको शवको पोष्टमार्टमको रिर्पोट आएको छ ।त्रि.वि. शिक्षण अस्पतालले पोष्टमार्टमको रिर्पोट मंगलबार प्रहरीलाई बुझाएको हो । रिर्पोट आएपनि हत्या कि आत्महत्या भन्ने अझै प्रष्ट हुन सकेको छैन । रिर्पोटमा घाँटीमा भएको प्रेसरको कारण मनिषको मृत्यु भएको देखाईएको छ ।

शिक्षण अस्पताल फोरेन्सिक विभाग प्रमुख डा. हरिहर वस्तीका अनुसार मनिषाको गालामा सामान्य चोट छ भने घाँटीमा २५ सेन्टिमिटरको डाम रहेको छ र जुन झुन्डिएको सलको अकारसँग मिल्दोजुल्दो रहेको छ ।
वस्तीले पोष्टमार्टमबाट ह्याङगिङबाट मृत्यु भएको देखिएको तर यस्को अर्थ आफै झुण्डिएको वा अरुले झुण्ड्याएर हत्या गरेको भन्ने कुरा भन्न नसकिने हुँदा प्रहरीले अनुुसन्धान गरि पत्ता लगाउनु पर्ने बताए ।
तसर्थ प्रहरीको थप अनुसन्धान बिना पोष्टमार्टमको रिर्पोट आएपनि मनिषा घर्ति मगरको हत्या हो या अत्महत्या हो अझै खुल्न सकेको छैन ।

मनिषाको हत्यामा संलग्न भएको आशंकामा प्रहरीले उनका प्रेमी अशिष चौधरीलाई नियन्त्रणमा लिएको छ । र, उनले घटना भएको राति मनिषासँग आफ्नो झगडा भएको तर, हत्या नगरेको दाबी गरेका छन् ।