प्रधानमन्त्रीसँग चीन जाने उद्योगीसँग सरकारले माग्यो तीन लाख

काठमाडौं,चैत ६ । प्रधानमन्त्री केपी ओलीसँग चीन भ्रमणमा जाने उद्योगी-व्यवसायीसँग सरकारले पैसा मागेको छ । प्रधानमन्त्रीको भ्रमणका लागि तय गरिएको चार्टड विमानको टिकटस्वरुप उनीहरुसँग तीन लाख रुपैयाँ मागिएको आजको नयाँ पत्रिकामा समाचार छ ।
परराष्ट्रमन्त्रालयबाट शुक्रबार टेलिफोन गरेर विमान चार्टडका लागि रकम डिपोजिट गर्न भनिएको एक व्यवसायीले बताए । ‘भ्रमण दलका परेकोमा खुसी लागेको थियो । तर, सरकारी निकायबाट रकम डिपोजिट गर्न भन्दै फोन आएपछि छक्क पर्‍यौं,’ ती व्यवसायीले भने, ‘हामी पैसा तिर्न तयार छौं’ । तर, परराष्ट्र मन्त्रालयले नै माग्नु उचित देखिएन ।’ हिमालय एयरलाइन्सले भित्र्याएको नयाँ जहाजबाट ओली आइतबार बेइजिङ जाँदै छन् । भ्रमण टोलीमा निजी क्षेत्रबाट ३२ जना उद्योगी-व्यवसायी सहभागी हुँदै छन् ।