२ जनालाई गोली हानेर हत्या गरेको आरोप
नेकपा एमाले जनकपुर अंचल इन्चार्ज योगनारायण यादवलाई महानगरीय प्रहरी अपराध महाशाखाले पक्राउ गरेको छ। महाशाखाको टोलीले यादवलाई बुधबार साँझ धुम्बाराहीस्थित एमाले पार्टी कार्यालय नजिकबाट पक्राउ गरेको हो ।
यादवमाथि २ जनाको गोली हानी हत्या गरेको र एक दर्जनभन्दा बढीलाई घाइते बनाएको आरोप छ। धनुषाको सबैला नगरपालिकास्थित मदन आश्रित निम्न माध्यमिक विद्यालयमा व्यवस्थापन समितिको चुनावमा झडप हुदाँ उनले गोली हानेर स्थानीय रामसेवक राउत र रामप्रकाश यादवको हत्या गरेको प्रहरीले दाबी गरेको छ।
यादव एमालेका बैकल्पिक पोलिटब्युरो सदस्य, केन्द्रीय समिति सदस्य र पूर्व सभासदसमेत हुन्। उनी पहिलो संविधान सभा निर्वाचनमा धनुषा क्षेत्र नम्बर ६ बाट बिजयी भएका थिए। संविधानसभाको दोस्रो निर्वाचनमा भने यादव पराजित भएका थिए। अपराध महाशाखाले यादवलाई थप कार्वाहीका लागि धनुषा प्रहरीमा बुझाएको छ।
को हुन यादव
०४७ सालदेखी नेकपा एमालेको युवा संगठन प्ररायु संघको सबैला गाउँको अध्यक्ष भएर उनले राजनीति सुरु गरेका हुन। २०४८ सालमा सबैला गाविसको नेकपा एमालेको सचिव, २०४९ मा इलाका सचिव भएका यादव २०५० सालमा नेकपा एमाले जिल्ला समिटी सदस्यमा चुनिए।
२०५६ सालमा प्रतिनिधि सभा सदस्यमा निर्वाचित भएका यादव २०५८ सालमा नेकपा एमालेको धनुषा जिल्ला सचिव भए। २०६५ सालदेखि नेकपा एमालेको केन्द्रीय सदस्य रहेका यादव २०६६ सालदेखि महोत्तरी जिल्लाको नेकपा एमाले सचिव, अध्यक्ष र सचिव पनि भए। उनी एमाले नेता रघुवीर महासेठका विश्वास पात्र मानिन्छन्। एमालेका उनको राम्रो पहुँचसमेत छ।
Source : setopati.com
No comments:
Post a Comment