अर्कैंसँग बिहे गर्न लागेकी प्रेमीलाई सिन्दुर हाल्न खोज्दा ज्यान गयो

काठमाडौं,चैत ६ । आफूले मन पराएकी युवतीको अर्कै केटासँग बिहे गर्नको लागि टीकाटालो भएको खर पाएपछि तनावमा परेका बारा, कलैयाका सन्तोष साह सिन्दुर र पोते लिएर मंगलबार मध्यराति केटीको घरमा पुगे ।छतमा कुरेर बसेका सन्तोषलाई भेट्न निभा छतमा पुगिन् ।
सन्तोषले निभाको सिउँदोमा सिन्दुर र पोते लगाउन खोजे तर निभाले मानिनन् । आफ्नो बिहे अर्कै केटासँग हुने पक्का भइसकेको भन्दै निभाले जबरजस्ती नगर्न प्रेमी सन्तोषलाई अनुरोध गरिन् तैपनि उनले मानेनन् ।
दुवैजनाबीच भनाभन भएको थाहा पाएका निभाका बुबा, आमा र भाई पनि छतमा पुगे । उनीहरुले सन्तोषलाई घरभित्र लगे । परिवारका सबै मिलेर नाइलनको डोरीले सन्तोषको घाँटी कसेर हत्या गरिदिए ।  आजको अन्नपूर्णमा समाचार छ ।