मृतकसँग पनि माग्यो अख्तियारले सम्पत्ति विवरण !

काठमाडौं,फागुन १७ । अख्तियार दुरुपयोग अनुसन्धान आयोगले अवकाश प्राप्त शिक्षशिक्षिकासँग समेत सम्पति विवरण भर्न भन्दै पत्र पठाएको छ । उदयपुर हँडिया गाविसस्थित खेराहा प्राविमा कार्यरत शिक्षिका गंगादेवी ढकालको २०६० सालमै मृत्यु भएको आजको राजधानी दैनिकमा समाचार छ ।

तर, मृत्यु भएको १२ वर्षपछि अख्तियारले आर्थिक वर्ष ७२/७३ सुरुमा सम्पत्ति विवरण नबुझाएको भन्दै जिल्ला शिक्षा कार्यालय उदयपुरमार्फत पत्र पठाएको छ । उदयपुरमा ३ सय ९८ जना शिक्षकशिक्षिकाको नामावलीमा मृत्यु भइसकेका एक दर्जन बढी शिक्षाको नामावली समेत समावेश भएको छ ।